ՎՍՀ-ում Հայաստանի Հանրապետության դեսպան Վահրամ Կաժոյանի և BRG կորպորացիայի HAPRO GROUP-ի գլխավոր փոխտնօրենի Նգույեն Տիեն Վուոնգի միջև հանդիպում:

19 դեկտեմբերի, 2019

Դեկտեմբերի 19-ին ՎՍՀ-ում ՀՀ դեսպան Վահրամ Կաժոյանը հանդիպեց BRG կորպորացիայի HAPRO GROUP-ի գլխավոր փոխտնօրենի Նգույեն Տիեն Վուոնգի հետ: Հանդիպմանը մասնակցում էին նաև HAPRO GROUP-ի մի շարք ստորաբաժանումների տնօրեններ։

BRG-ն խոշոր վիետնամական արդյունաբերական /բեռնատար ավտոմեքենաներ, սարքավորումներ/ և գյուղատնտեսական /բրինձ, սուրճ, պղպեղ և այլն/ արտադրող է, ինչպես նաև զբաղվում է շինարարությամբ և 70 շուրջ երկիր արտահանում-ներմուծումով։ HAPRO DUTY FREE -ն վիետմական BRG կորպորացիայի երեսունի հասնող դուստր ձեռարկություններից է, որը երկրում ունի բացառիկ իրավունք ներմուծել և դիվանագիտական ներկայացուցչություններին և դրանց հավասարեցված կազմակերպություններին մատակարարել առանց մաքսատուրքի ապրանքներ։

Քննարկվեցին HAPRO DUTY FREE Վիետնամի խանութներում հայկական ալկոհոլային արտադրությունը վաճառելու, ինչպես նաև HAPRO ըկերության՝ Երևանում 2020թ-ի ընթացքում կայանալիք հայ-վիետնամական գործարար համաժողովին մասնակցության հետ կապված հարցեր։

Կողմերը այմանավորվեցին են շարունակել աշխատանքները երկու երկրների արտադրողների փոխշահավետ համագործակցությունը խթանելու ուղությամբ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր